පැය තුනක විදුලි කැපිල්ල නතර කළ නොරොච්චෝලේ

කාර්මික දෝෂයකට ලක් වූ නොරොච්චෝලේ බලාගාරයේ 3 ඒකකයේ දෝෂය යථා තත්ත්වයට පත් කොට නැවත එය ජාතික විදුලිබල පද්ධතියට එක් කොට තිබෙනවා.

 

මෙහි බොයිලේරුවකට ජලය ගෙන යන නළයක සිදු වූ කාන්දුවක් හේතුවෙන් ඉකුත් ඉරිදා එහි විදුලි ජනන කටයුතු තාවකාලිකව නවතා දැමුණා.මේ නිසා පැය 3ක විදුලි කප්පාදුවකටද යාමට සිදු වූවා.

 

මේ වන විට නොරොච්චෝලේ ඒකක 1 සහ ඒකක 3 යන ජනන යන්ත්‍ර දෙකන සම්පූර්ණ ධාරිතාවයෙන් ක්‍රියාත්මක කෙරෙනවා.

 

තවද මෙහි 2 වන ජනන යන්ත්‍රයේ  මාස 3ක් පුරා සිදු කෙරෙන සාමාන්‍ය අලුත්වැඩියා නඩත්තු කටයුතු මේ  මස මැද භාගයේදී අවසන් කිරීමට අපේක්ෂා කරන බවද අමාත්‍ය කංචන විජේසේකර ට්විටර් පණිවිඩයක් තබමින් වැඩිදුරටත් කියාසිටියා.