ඩොලර් අර්බුදය නිසා විදේශ තනාපති කාර්යාල සහ කොන්සල් කාර්යාල 03ක් වැසෙයි

මෙරට පවතින ඩොලර් අර්බුදය හේතුවෙන් විදේශයන්හි පිහිටි ශ්‍රී ලංකා තානාපති කාර්යාලයක් හා කොන්සල් කාර්යාල 02 ක් වසා දමා ඇත.

 

 

 රජයේ වියදම් අවම කර ගැනීම සහ ඩොලර් ඉතිරි කර ගැනීමේ අරමුණින් මෙම පියවර ගත් බවයි විදේශ කටයුතු අමාත්‍යංශයේ ලේකම් අද්මිරාල් මහාචාර්ය ජයනාත් කොළඹගේ කියා සිටියේ.

 

 

ඒ අනුව ජර්මනියේ ෆ්රැන්ක්ෆර්ට්හි පිහිටි ශ්‍රී ලංකා කොන්සල් කාර්යාලය, සයිප්‍රසයේ ශ්‍රී ලංකා කොන්සල් කාර්යාලය සහ නයිජීරියාවේ ශ්‍රී ලංකා තානාපති කාර්යාලය එලෙස වසා දැමීමට පියවර ගත් බවයි විදේශ ලේකම්වරයා වැඩිදුරටත් සඳහන් කළේ.