රූපවාහිනී සංස්ථාවත් විකුණන්න සැරසෙන ලකුණු

ස්වේච්ඡාවෙන් සේවය අතහැර යන සේවකයන් වෙනුවෙන් ලක්ෂ 05 ත් ලක්ෂ 25 ත් අතර වන්දි මුදලක් යෝජනා කරමින්, ස්වේච්ඡාවෙන් සේවයෙන් ඉවත් වීමට කැමති සේවකයන් සඳහා අයදුම්පත් ඉදිරිපත් කරන ලෙස ජාතික රූපවාහිනී සංස්ථාවේ අධ්‍යක්ෂ ජනරාල්වරයා විසින් දැනුම් දීමක් කොට තිබේ.

 

සංස්ථාව ලාභ ලබන ආයතනයක් ලෙස පවත්වා ගැනීමේ අභියෝගයට මුහුණ දීම සඳහා මෙම පියවර ගැනීමට සිදුව ඇති බව පැවසෙන නමුත්, එහි සේවකයින් බොහෝ පිරිසක් මෙම යෝජනාවට විරෝධය පළ කොට ඇති අතර, ඔවුන් කියා සිටින්නේ පාලකයන් මේ උත්සාහ කරන්නේ ආයතනය පාඩු ලබන බව පවසමින් විකුණා දැමීමේ තත්වයක් ඇති කිරීමට බවයි.