බූරු මූණා තවදුරටත් රක්ෂිත බන්ධනාගාරගත කරයි

අවිස්සාවේල්ල මහෙස්ත්‍රාත් අධිකරණය රවිඳු සංඛ ද සිල්වා නොහොත් "බූරු මූණා" තවදුරටත් රක්ෂිත බන්ධනාගාරගත කිරීමට නියෝග කර තිබේ.

 

 

අදාළ සැකකරුව ජුනි මස 19 වනදා දක්වා තවදුරටත් රක්ෂිත බන්ධනාගාරගත කර ඇත.

 

 

ආගමන විගමන නිලධාරීන් විසින් ඉකුත් පෙබරවාරි 24 වනදා ව්‍යාජ නමක් භාවිත කර සකස් කළ ගුවන් ගමන් බලපත්‍රයකින් ඩුබායි බලා පැන යෑමට පැමිණි අවස්ථාවේදී ඔහුව අත්අඩංගුවට ගෙන කටුනායක ගුවන්තොටුපොල පොලීසිය වෙත භාරදී තිබුණි.

 

 

අවිස්සාවේල්ල ප්‍රදේශයේ දී බූරුමුණා නමැත්තා පොලිස් අත්අඩංගුවෙන් මිදී පළා යෑමෙන් අනතුරුව මාර්තු මස 17 වනදා අවිස්සාවේල්ල පොලීසියේ නිලධාරීන් විසින් අත්අඩංගුවට ගත්තේය.

 

 

පසුව සිදුවූ අපරාධ කිහිපයක් සම්බන්ධයෙන් සැකකරුගෙන් දීර්ඝ ලෙස ප්‍රශ්න කෙරුණි.