සහල් ආනයනයෙන් සතොසට බිලියන 6.5ක පාඩුවක්

2014 සහ 2015 වර්ෂවල මෙරටට සහල් ආනයනය කිරීමේදී ලංකා සතොස ආයතනයට රුපියල් බිලියන 6.5ක පාඩුවක් සිදුවී ඇති බව කෝප් කමිටුවේදී අනාවරණ වී තිබේ.

 

මිනිස් පාරිභෝජනය සඳහා ආනයන කළ සහල් පාරිභෝජනයට නුසුදුසු බැවින් ඒවා සත්ත්ව ආහාර සඳහා අලෙවි කිරීම හරහා මෙම පාඩුව සිදුවී ඇති බව එහිදී අනාවරණය විය.

 

එහිදී වැඩිදුරටත් අදහස් දැක්වූ කෝප් කමිටු සාමාජික ශානික්‍යන් රාසමානික්කම් මහතා, 

 

"ඒ දවස්වල ඔය සහල් ගේනකොට ඕකට සම්බන්ධවෙලා හිටියේ කවුද කියලා ලංකාවම දන්නවා. වැඩිපුර කාලයක් ගබඩාවල තියලා..ඊට පස්සේ මේක නරක් වුණා කියලා.. සත්ව ආහාරවලට කියලා විකුණලා.. ඒ විකුණපු එක පිටකොටුවට ගිහින්.. පිටකොටුවෙන් ඒ හාල්ටික ආයේ අරගෙන ආපහු වික්කා කඩේට."