තවත් සති තුනක් යනතුරු ගෑස් නෑ

ගෑස් බෙදාහැරීම යථා තත්ත්වයට පත් කිරීම සඳහා සති තුනක පමණ කාලයක් ගත වනු ඇති බව ලිට්‍රෝ සමාගම පවසනවා.

 

භාවිතා කරන ලද ගෑස් සිලින්ඩර යළි බාර ගැනීම සිදුවෙමින් පවතින නිසා ගෑස් බෙදාහැරීමේ කටයුතු පමා වී ඇති බවයි එහි සභාපති තෙෂාර ජයසිංහ මහතා සඳහන් කළේ.

 

ප්‍රමිතියට අනුව සිදු කරන තත්ව පරීක්ෂණවලදී එම ගෑස් සිලින්ඩර වලින් 30%ක් පමණ ප්‍රතික්ෂේප වී තිබෙනවා.

 

ඊට අදාළ උපකරණ ආනයනයට කටයුතු කර ඇති බවත් සති තුනකින් පසු ලිට්‍රෝ ගෑස් පැවැති ධාරිතාවයට ගෙන එන බවයි සභාපතිවරයා සදහන් කළේ.