ගුරු අධ්‍යාපනඥයින් සංකේත වැඩවර්ජනයක් අද ක්‍රියාත්මක කරයි

ගුරු අධ්‍යාපනඥයින් අද දින සේවයෙන් ඉවත් වී සංකේත වැඩවර්ජනයක නිරත වන බව සඳහන් වේ.

 

 

දිවයින පුරා පිහිටි ජාතික අධ්‍යාපන විද්‍යා පීඨ 19, ගුරු විද්‍යාල 08 සහ ගුරු සේවා මධ්‍යස්ථාන 113 හි සේවය කරන ගුරු අධ්‍යාපනඥයින් සංකේත වැඩවර්ජනයක නිරත වේ.

 

 

ශ්‍රී ලංකා ගුරු අධ්‍යාපනඥ සේවා නිලධාරීන්ගේ ඒකාබද්ධ වෘත්තීය සංගමයේ සම ලේකම් ධම්මික මිරිහාන පැවසුවේ වසර ගණනාවක සිට ගුරු අධ්‍යාපනඥයින්ට බලපා ඇති ගැටළු කිහිපයක් මුල් කර ගනිමින් එම  වැඩවර්ජනය ක්‍රියාත්මක කරන බවයි.

 

 

ශ්‍රී ලංකා ගුරු අධ්‍යාපනඥ සේවා නිලධාරීන්ගේ ඒකාබද්ධ වෘත්තීය සංගමයේ සම ලේකම්වරයා වැඩිදුරටත් පැවසුවේ සිය ඉල්ලීම්වලට බලධාරීන් ප්‍රතිචාර නොදක්වන්නේ නම් ඉදිරියේදී දැඩි වෘත්තීය ක්‍රියාමාර්ගවලට එළඹෙන බවයි.