අධික ලෙස බිමත්ව සිටි තරුණයෙක් හඳුන් දිවියෙක් බේරා ගැනීමට ගොස් අනතුරේ

දිඹුල පතන පොලීසිය පැවසුවේ හැටන් කොටගල ඩ්‍රෙටන් වතුයායේ කපා තිබු ගැඹුරු වලකට වැටි සිටි හඳුන් දිවියෙකු බේරා ගැනිමට ඊයේ දින එම වලට බැස උත්සාහ කල තරුණයෙකුට හඳුන් දිවියා පහර දි තුවාල සිදු කර ඇති බවයි.

 

අධික ලෙස බිමත්ව සිටි තරුණයෙකු එම හඳුන් දිවියා බේරා ගැනීමට උත්සහ කිරිමේදි හඳුන් දිවියා එම පුද්ගලයාට පහර දි බරපතල ලෙස තුවාල සිදු කර ඇත.

 

ගොදුරු සොයා පැමිණි හඳුන් දිවියෙකු ගැඹුරු වලකට වැටි සිටින අයුරු දුටු ප්‍රදේශවාසින් ඒ බැව් දිඹුල පතන පොලීසියට දැනුම් දි තිබියදී මෙම තරුණයා දිවියා බේරාගැනීමට ගොස් ඇති බව වාර්තා වේ.

 

පහරදීමෙන් තුවාල ලැබු තරුණයා කොටගල ප්‍රාදේශීය රෝහලට ඇතුලත් කර ඇත.

 

නුවරඑලිය වනජිවි කාර්යාලයේ නිලධාරීන් වලෙහි වැටි සිටින හඳුන් දිවියා බේරා ගැනිමට පියවර ගෙන තිබුණා