දියණිය සොයාදෙන්නැයි පියෙකු විදුලි කණුවක් මත උපවාසයේ

අතුරුදහන් වී ඇති තම 15 හැවිරිදි දියණිය සොයා දෙන ලෙස පොලිසියට බල කරමින් ගලේවෙල කුඩාවැව ප්‍රදේශයේ පියෙකු අධි බලැති විදුලි කණුවක් මත නැගී උපවාසයක් ආරම්භ කර තිබෙනවා.

තම දියණිය තරුණයකු සමග පලා ගොස් ඇති බවට ගල්කිරියාගම පොලිසියට පැමිණිලි කළත් ඔවුන් ඒ සම්බන්ධයෙන් ක්‍රියාමාර්ගයක් නොගන්නා බවයි අදාල පියා සඳහන් කර සිටින්නේ.

ඔහු ඊයේ(24) දහවල් කාලයේ සිට අඩි 150 ක් උසින් යුත් අධි බලැති විදුලි කණුවක නැඟ උපවාසයක නිරතවනවා.

කෙසේවෙතත් ගල්කිරියාගම පොලිසිය ඊයේ පස්වරුවේ පැමිණ පැමිණිල්ල සම්බන්ධයෙන් විමර්ශන සිදුකරන බවට දැනුම් දුන්නත් දියණිය සොයා දෙන තුරු උපවාසය අත් නොහරින බවයි ඔහු ප්‍රකාශ කර සිටින්නේ.