අගමැති මැදුර ඉදිරිපිට මෝටර් රථයක් අනතුරේ

ගාලුමුවදොර සිට කොල්ලුපිටිය දෙසට ධාවනය කරමින් තිබූ සුඛෝපභෝගී මෝටර් රථයක් අද අලුයම අරලියගහ මන්දිරය ඉදිරිපිට දී පෙරළී අනතුරකට ලක් වී ඇති බව වාර්තා වේ.

 

ගාලුපාරේ අරලියගහ මන්දිරය ඉදිරිපිට පාර මැද පිහිටි දූපත කොටසේ වැදීමෙන් එය පෙරළී ගොස් තිබේ.

 

රථයේ වේගය පාලනය කර ගැනීමට නොහැකිව මෙම අනතුර සිදුව ඇති බව කොල්ලුපිටිය පොලිසිය පවසා සිටී.

 

රිය පැද වූ පුද්ගලයාට අමතරව කාන්තාවක් ද රථයේ ගමන් කර ඇති අතර අනතුරෙන් කිසිවෙකුටත් හානි සිදුවී නැති බව වාර්තා වේ.