මහනුවර හොටෙල් කාමරයක අයිස් ගැසූ තරුණියන් තිදෙනෙක් දැලේ

හෝටල් කාමරයක් කුලියට ගෙන එහි අයිස් මත්ද්‍රව්‍ය පානය කරමින් සිටී සිටි තරුණියන් තිදෙනකු ලබන 10 වනදා  දක්වා රක්ෂිත බන්ධනාගාරගත කරන ලෙස අධිකරණය නියෝග කර ඇත.

 

මහනුවර බහිරවකන්ද ප්‍රදේශයේ හෝටල් කාමරයක් රුපියල් 3000ක මුදලක් ගෙවා කුලියට ගෙන මෙම තරුණියන් අයිස් මත්ද්‍රව්‍ය පානය කර ඇති බව අනාවරණය වී තිබේ.

 

වයස අවුරුදු 25ත් 30ත් අතර වයසේ පසුවන මෙම තරුණියන් වටපුළුව, අම්පිටිය හා හැටන් ප්‍රදේශවල පදිංචිකාරිනියන් බව සඳහන්ය.

 

මෙම තිදෙනා  අයිස් මත්ද්‍රව්‍ය පානය කිරීම සඳහා මෙම ස්ථානයට නිතර පැමිණෙන බවට ලද තොරතුරු මත සිදුකළ වැටලීමකදී තරුණියන් තිදෙනා මත්ද්‍රව්‍ය පානය කරමින් සිටියදීම අත් අඩංගුවට ගැනීමට හැකි වූ බව පොලිසිය පවසා සිටී. ඔවුන් සම්බාහන මධ්‍යස්ථානයක සේවය කරමින් සිට ඇති බවත් පොලිසිය තවදුරටත්  පවසයි.