ජල බිල්පත්වලට පොලු‍ තැබූ මැති ඇමැතිලාගේ වතුර කපයි

රුපියල් කෝටියකට ආසන්න හිඟ ජල බිල්පත් නොගෙවූ මැති ඇමැතිවරු ඇතුළු පාර්ලිමේන්තු මන්ත්‍රීවරු 45 දෙනෙකුට ආසන්න පිරිසකගේ වාසස්ථානවල ජල සම්බන්ධතා විසන්ධි කිරීමට ජාතික ජල ජලසම්පාදන හා ජලාපවහන මණ්ඩලය තීරණය කර ඇත.

 

දීර්ඝ කාලයක් තිස්සේ මොවුන් ජල බිල්පත් ගෙවා නොමැත.

 

එමෙන්ම බිල් ගෙවන ලෙස දන්වන සිහිකැඳවීම්ද නොසලකා හැර ඇතැයි ජල සම්පාදන මණ්ඩලය පවසයි.

 

මෙම පිරිස අතරට මේ වන විට වත්මන් පාර්ලිමේන්තුව නියෝජනය කරන මැති ඇමැතිවරුන් ඇතුළු මන්ත්‍රීවරුන් විසි දෙනකු පමණ සිටින අතර අනෙක් පිරිස මේ වන විට දේශපාලනයේ නිරත නොවෙන අය බව සඳහන් වෙයි.