ප්‍රවීණ චිත්‍රපට නිෂ්පාදකවරයෙකු සහ අධ්‍යක්ෂවරයෙකු දිවිසැරිය නිම කරයි
පුරා දසක හතරකට වැඩි කලක් ශ්‍රී ලාංකීය සිනමාව පෝෂණය කළ ප්‍රවීණ චිත්‍රපට නිෂ්පාදකවරයෙක් හා අධ්‍යක්ෂවරයෙක් වූ ඇලරික් ලයනල් ප්‍රනාන්දු මහතා අභාවප්‍රාප්ත වී තිබෙනවා.
1978 වසරේදී අනූපමා සිනමා පටය නිෂ්පාදනය කරමින් සිනමා ක්ෂේත්‍රයට පිවිසී ඇලරික් ලයනල් ප්‍රනාන්දු අතිශය ජනප්‍රිය වූ ක්‍රිස්තු චරිතය, කිරිසුවඳ,රන්දම්වැල්, මැවිලා පෙනේවි රූපේ, දළුලන ගිනි, සෙනෙහස පෑවා, ආදර පූජාසනේ, සඳ තාරකා චිත්‍රපට නිෂ්පාදනයෙන් සිනමාව පෝෂණය කළේය.
රන්දම්වැල්, මැවිලා පෙනේවි රූපේ, දළුලන ගිනි, සෙනෙහස පෑවා, ආදර පූජාසනේ හා සඳ තාරකා චිත්‍රපට අධ්‍යක්ෂණයෙන්ද සිනමාව හා බැඳුණු ඇලරික් ලයනල් ප්‍රනාන්දු නිෂ්පාදනය කළ සෙනෙහස පෑවා, ආදර පූජාසනේ හා සඳ තාරකා යන සිනමාපට ඉදිරියේදී තිරගත වීමට නියමිතය.
ඔහුගේ අවසන් කටයුතු 14 වැනි බදාදා සවස නාගොඩ කඳාන රෝමානු කතෝලික සුසාන භූමියේදී සිදු කිරීමට නියමිතය.
ඒ මහතාගේ දේහය මහජන ගෞරවය සඳහා අංක 7 මොරාවත්ත පාර නාගොඩ කඳාන ලිපිනයෙහි තැන්පත් කර ඇත.
466 Views
Comments