ගොවීන්ගේ ජීවන තත්වය ඉහළ නංවන්න විශේෂ වැඩසටහන් රැසක්

ලෝක බැංකුවෙන් ලැබුණු ඩොලර් මිලියන 44 ක මූල්‍ය ප්‍රතිපාදන මත දිස්ත්‍රික්ක 11 ක අතහැර දමා තිබූ ජල ටැංකි 497 ක් ප්‍රතිසංස්කරණය කිරීමේ කටයුතු ආරම්භ කර ඇති බව කෘෂිකර්ම අමාත්‍යාංශය නිවේදනය කර තිබේ.

 

 

කෘෂිකර්ම අමාත්‍යාංශය යටතේ ක්‍රියාත්මක වන 'Climate Smart Irrigated Agriculture' ව්‍යාපෘතියේ කොටසක් ලෙස ත්‍රිකුණාමලය දිස්ත්‍රික්කයේ ජල ටැංකි 72 ක් සහ අනුරාධපුර දිස්ත්‍රික්කයේ වැව් 29 ක් ප්‍රතිසංස්කරණය කිරීම මේ වන විටත් සිදුවෙමින් පවතී.

 

 

දේශගුණික විපර්යාස හේතුවෙන් ජල හිඟයට මුහුණ දෙන ගම්මානවල ගොවීන්ගේ ජීවන තත්ත්වය ඉහළ නැංවීම සඳහා ප්‍රමාණවත් ජල සම්පත් සැපයීම මෙම ව්‍යාපෘතියේ ප්‍රධාන අරමුණයි.

 

 

මේ වසරේ තවත් වැව් 30 ක් ප්‍රතිසංස්කරණය කිරීම ගොවිජන සංවර්ධන දෙපාර්තමේන්තුව විසින් ආරම්භ කර ඇති අතර ඒ සඳහා රජය රුපියල් මිලියන 300 ක් වෙන් කර තිබේ.