දූෂිත දේශපාලන සූදුවට කිසිදිනක සම්බන්ධ වෙන්නෑ - සජිත් ප්‍රේමදාස

පෞද්ගලික හිතමිතුරුකම්වලට මැති ඇමතිකම් බෙදා ගැනීමේ දූෂිත දේශපාලන සූදුවට කිසිදිනක සම්බන්ධ නොවන බව විපක්ෂ නායක සජිත් ප්‍රේමදාස මහතා පවසයි.

 

අගමැතිකම සඳහා තමාට ද ආරාධනා ලැබුණු අතර එම අගමැතිකම සඳහා ආරාධනා ලැබුණේ රාජපක්ෂවරුන් ආරක්ෂා කිරීමට බවද ඒ මහතා ප්‍රකාශ කරයි.

 

එවැනි අගමැතිකම් සඳහා තමන් සූදානම් නොමැති බව ද සජිත් ප්‍රේමදාස මහතා පවසයි.

 

රට ගොඩනැගීමට නම් රාජපක්ෂ සාපයෙන් රට මුදවාගත යුතු බවද විපක්ෂ නායකවරයා සඳහන් කර තිබේ.

 

අනුරාධපුරයේ පැවති ජනහමුවකට එක්වෙමින් විපක්ෂ නායකවරයා මේ බව ප්‍රකාශ කර තිබුණි.