ගස්ලබු වගාව විනාශකල ඇතාව නසන්න යකඩ ඇණ තැබූ නරුමයා වනජීවීයට මාට්ටු
කරුවලගස්වැව වනජීවී අඩවි කාර්යාලයේ නිලධාරීන් විසින් කරුවලගස්වැව ප්රදේශයේ ඉඩමක පවත්වාගෙන යන ගස්ලබු වගාව විනාශ කර දැමූ ඇතෙකු මරා දැමීමේ අරමුනින් යකඩ ඇණ ලෑලි සකස්කොට ඇතාගේ පාදවලට ඇණෙන අයුරින් තැබීමට කටයුතු කළ වතු මුරකරුවකු අත්අඩංගුවට ගෙන තිබේ.
කරුවලගස්වැව 17 කණුව ප්රදේශයේ වෛද්‍යවරයකුගේ ඉඩමක මුරකරුවෙකු මෙලෙස අත්අඩංගුවට ගෙන ඇත.
සැකකරු රැකියාව කරනු ලබන ඉඩමේ ගස්ලබු වගාව ඇතෙකු විසින් වනසා දැමීම නිසා කුපිත වීමෙන් අනතුරුව මෙම ඇණ ලෑලි සකසා ඇතා එන මාර්ගයට දමා තිබූ බව කරුවලගස්වැව වනජීවී කාර්යාලයේ අඩවි ආරක්ෂක බී. රාමසිංහ මහතා සඳහන් කළේය.
ඔහු වැඩිදුරටත් කියා සිටියේ යම් හෙයකින් ඇතාගේ පාදවලට මෙම ඇණ ලෑලි ඇණී ගියේ නම් සති ගණනක් ඇතා එම තුවාලවලින් පීඩා විඳ මරණයට පවා ලක්වීමට තිබූ බවයි.
අත්අඩංගුවට ගත් සැකකාර මුරකරු වනජීවී ඇප මත මුදාහැර ඉදිරි දිනකදී පුත්තලම අධිකරණයට ඉදිරිපත්වීමට දැනුම් දී ඇත.
1524 Views
Comments