එංගලන්තය මාර්තු මාසය දක්වා LOCKDOWN විය හැකි බවට රජය අනතුරු අඟවයි

කොවිඩ් -19 ආසාදිතයින් විශාල වශයෙන් ඉහළ යාම හේතුවෙන් එංගලන්තයේ පනවා ඇති තුන්වන ලොක්ඩවුන් කිරීම අවම වශයෙන් මාර්තු මාසය දක්වාම පවතිනු ඇති අතර සමහර ක්‍රියාමාර්ග ඊටත් වඩා දිගු කාලයක් පවතින බව රජය පෙන්වා දී තිබෙනවා.

 

 

කැබිනට් කාර්යාල අමාත්‍ය මයිකල් ගෝව් කියා සිටියේ ක්‍රමයෙන් සීමාවන් ඉවත් කිරීමට පෙබරවාරි මැද භාගයේදී ආරම්භ කළ හැකි බවයි.

 

 

නමුත් එන්නත් ක්‍රියාත්මක වීමට ගතවන කාලය යන්නෙන් අදහස් වන්නේ ලිහිල් කිරීමට පටන් ගන්න අවම වශයෙන් තවත් සති දෙකක කාලයක් ගතවනු ඇති බවයි.

 

"පෙබරවාරි 15 ​​සිට 22 දක්වා සතියේ සිට අපට සීමාවන් ඉවත් කිරීමට හැකි වනු ඇතැයි අපට නිශ්චිතවම අනාවැකි කිව නොහැක, හැකි තරම් පිරිසකට එන්නත ලබා දෙන බවට වග බලා ගැනීම සඳහා අපට කළ හැකි සියල්ල කරමින් සිටිනවා.

 

සීමාවන් ඉවත් කිරීම සඳහා අපට ක්‍රමයෙන් ආරම්භ කළ හැකිය, ” කැබිනට් කාර්යාල අමාත්‍ය මයිකල් ගෝව් පවසනවා.

 

"මම හිතන්නේ අපි මාර්තු මාසයට ඇතුළු වන විට, අපට මෙම සීමාවන් සමහරක් ඉවත් කිරීමට හැකි විය යුතුයි - නමුත් අනිවාර්යයෙන්ම සියල්ලම නොවේ.

 

 

" වෛරසයේ නව ප්‍රභේදය නිසා පාසල් සහ අත්‍යවශ්‍ය නොවන ව්‍යාපාර වසා දැමීම සහ ඔවුන්ගේ නිවෙස්වල රැඳී සිටින ලෙස ජනතාවට පැවසීම අත්‍යවශ්‍ය වන බව සෞඛ්‍ය අංශ පෙන්වා දෙනවා.