අල, ලූණු, පරිප්පු මිල සීඝ්‍රයෙන් පහතට

ආහාර ද්‍රව්‍ය මිල සැලකිය යුතු ලෙස පහළ බැස ඇතැයි පිටකොටුව වෙළඳ සංගමයේ විධායක කමිටු සාමාජික දේව පුරන් පවසයි.

 

ඒ අනුව රුපියල් 600ක්ව පැවති පරිප්පු තොග මිල රුපියල් 410ක් ලෙසත්, රුපියල් 330ක් පැවති සීනි තොග මිල රුපියල් 270ක් ලෙසත්, රුපියල් 215ක්ව පැවති අර්තාපල් තොග මිල රුපියල් 150ක් ලෙසත් රුපියල් 600ක් ව පැවැති සුදු ලු‍ණු තොග මිල රුපියල් 420ක් ලෙසත් රුපියල් 180ක් ව පැවති රට ලු‍ණු තොග මිල රුපියල් 130ලෙසත් රුපියල් 1900ක් ව පැවැති මිරිස් කිලෝව රුපියල් 1300 ක් ලෙසත් මිල පහළ බැස ඇතැයි සඳහන් කරයි.