කිං චාල්ස්ගේ රාජාභිෂේකයට බාධා කළ පිරිසක් අත්අඩංගුවේ

බ්‍රිතාන්‍යයේ  තුන්වන චාල්ස් රජුගේ රාජාභිෂේකය පැවැත්වෙන අවස්ථාවේ ලන්ඩනයේ සහ පිටත නගර වල විරෝධතා පැවැත්වූ පිරිසක් අත්අඩංගුවට ගෙන ඇති බව විදෙස් මාධ්‍ය වාර්තා කරයි.

 

මෙලෙස අගනුවර තුළදී විරෝධතාකරුවන් 52 දෙදෙනෙකු අත්අඩංගුවට ගෙන ඇති අතර, එම පිරිස අතර බ්‍රිතාන්‍යයේ  රාජාණ්ඩු විරෝධී කණ්ඩායමේ ප්‍රධානීන් කිහිපදෙනකු ද වන බව සඳහන් වේ.

 

මෙම විරෝධතාකරුවන් මහජනතාවට සහ අගනුවර කටයුතු සඳහා බාධා වන අයුරින් කටයුතු කිරීම හේතුවෙන් ඔවුන් අත්අඩංගුවට ගන්නා ලද බවත්, එම පිරිසට එරෙහිව නිතිමය ක්‍රියාමාර්ග ගැනීමට කටයුතු කෙරෙන බවත් වාර්තා වන අතර, මෙලෙස විරෝධතාකරුවන් අත්අඩංගුවට ගැනීමේ සිද්ධිය මානව හිමිකම් ක්‍රියාකාරීන්ගේ දැඩි විවේචනයට ලක්ව ඇති බවද විදෙස් වාර්තා පවසයි.