සබ්මැරීන් ගැන මේ තොරතුරු දන්නවාද?
සබ්මැරිනයක් යනු ගවේෂණ කටයුතු, යුද්ධ, පර්යේෂණ සහ ගලවාගැනීමේ මෙහෙයුම් සඳහා දිය යට සංචලනය වීමට හැකි වන අයුරින් නිර්මාණය කර ඇති යාත්‍රාවක්.
සබ්මැරින් සතුව ඇති විශිෂ්ට හැකියාවන් නිසාවෙන් නාවික ක්ෂේත්‍රය තුළ විප්ලවීය වෙනසක් සිදු කර තිබෙනවා. එමඟින් මිනිසුන්ට ලෝකයේ ඇති සාගර ගැඹුරට යෑමට ඉඩ සලසනවා.
සබ්මැරින් සාමාන්‍යයෙන් නිපදවනු ලබන්නේ වානේ හෝ ටයිටේනියම් ලෝහය මිශ්‍ර ලෝහ භාවිත කරමින්. පීඩන බඳ ලෙස හැඳින්වෙන පිටත බඳ, කාර්යය මණ්ඩලය සහ අත්‍යවශ්‍ය පද්ධති ඇතුළත් වන ආරක්‍ෂිත ව්‍යුහයක්. මේ තුළ පාලක මැදිරිය, විසිත්ත කාමර, යන්ත්‍රෝපකරණ සහ ආයුධ පද්ධති ඇතුළු විවිධ අරමුණු සඳහා බඳෙහි අවකාශය භාවිත කළ හැකියි.
සාමාන්‍යයෙන් සබ්මැරින ඩීසල්-විද්‍යුත්, න්‍යෂ්ටික හෝ ඒ දෙකෙහිම එකතුවක් ලෙස බල පද්ධති භාවිත කරනවා. ඩීසල්-විද්‍යුත් සබ්මැරින බැටරි ආරෝපණය කිරීම සඳහා මතුපිට ඇති ඩීසල් එන්ජින් භාවිත කරන අතර එමඟින් දිය යට කිමිඳීම සඳහා විදුලි මෝටර බලගැන්වීම සිදු කරනවා.
න්‍යෂ්ටික බලයෙන් ක්‍රියාත්මක වන සබ්මැරින, විදුලි ජනක යන්ත්‍රවලට සම්බන්ධ වාෂ්ප ටර්බයින ධාවන කරන අතරම තාපය ජනනය සඳහා න්‍යෂ්ටික ප්‍රතිකාරක භාවිත කරනවා. මෙම ප්‍රතිකාරක දිය යට මෙහෙයුම් සඳහා දීර්ඝකාලීන ලෙස බලය සැපැයීම සිදු කරනවා.
287 Views
Comments