සරසවි සිසුන්ට සලකපු හැටි අහන්න ටිරාන්ට මානව හිමිකම් කොමිසමෙන් එන්න කියයි

ශ්‍රී ලංකා මානව හිමිකම් කොමිසම විසින් පසුගිය මාර්තු  07 සහ 08 යන දිනයන්හිදී  කොළඹ හා කැලණිය සරසවි සිසු විරෝධතාවන් අතරතුර දී පොලිසිය ක්‍රියා කළ ආකාරය පිළිබඳව පරීක්ෂණයක් පැවැත්වීමට තීරණය කර තිබේ.

 

මෙම උද්ඝෝෂණ මැඩපැවැත්වීමට පොලිස් නිලධාරීන් අනුගමනය කළ ක්‍රියාපිළිවෙත් පැහැදිලි කිරීමට මහජන ආරක්ෂාව පිළිබඳ අමාත්‍ය ටිරාන් අලස් මහතා සිය කොමිසම හමුවට කැඳවා ඇති බව මේ සම්බන්ධයෙන් නිවේදනයක් නිකුත් කරමින් මානව හිමිකම් කොමිසම සඳහන් කළේය.

 

එළඹෙන මාර්තු 13 වැනිදා පෙරවරු 10 ට අමාත්‍යවරයාට සිය කොමිසම හමුවට කැඳවා ඇති බව අදාල නිවේදනයේ සඳහන් වේ.