පොලිස් වෙඩිතැබීමකින් සැකකරුවෙකු තුවාල ලබයි

අක්මීමන ප්‍රදේශයේදී පොලීසිය සිදුකළ වෙඩිතැබීමකින් සැකකරුවෙකු තුවාල ලබා කරාපිටිය රෝහලට ඇතුළත් කර තිබේ.

 

ඊයේ (10) රාත්‍රියේදී ජංගම යතුරුපැදි මුර සංචාරයේ නිරත අක්මීමන පොලීසියේ නිලධාරීන් දෙදෙනකු විසින් පුද්ගලයින් දෙදෙනකු පරික්ෂා කිරීමට යාමේදී ඇතිවූ සිද්ධියක් අතරතුර මෙම වෙඩි තැබීම සිදුව ඇති බව පොලිස් මාධ්‍ය කොට්ඨාසය සඳහන් කළේය.

 

ජංගම මුර සංචාරයේ නිරත පොලිස් නිලධාරීන් විසින් මාර්ගයේ රැඳී සිටි පුද්ගලයින් දෙදෙනකු පරික්ෂා කිරීමේදී එක් අයකු පළාගොස් ඇති අතර අනෙක් පුද්ගලයා විසින් බෝම්බයක් දමා ගැසීමට උත්සාහ කර තිබේ.

 

එහිදී පොලිස් නිලධාරීන් සිදුකළ වෙඩිතැබීමෙන් අදාළ සැකකරු තුවාල ලබා ඇති අතර ඔහු කරාපිටිය රෝහලට ඇතුළත් කළ බව පොලිස් මාධ්‍ය කොට්ඨාසය සඳහන් කළේය.

 

පසුව පළාගිය සැකකරු ද අත්අඩංගුවට ගෙන ඇති අතර ඔහු සතුව තිබී ටී56 වර්ගයේ උණ්ඩ 105ක් සොයාගෙන තිබේ.