හොර සල්ලි අච්චු ගැසූ අඹුසැමි යුවල කොටු වෙයි

ව්‍යාජ 5000 මුදල් නෝට්ටු 12ක් සමඟ අඹු සැමි යුවළක් එම ව්‍යාජ මුදල් නෝට්ටු මුද්‍රණයට කිරීමට යොදාගත් ප්‍රින්ටරය ද සමග අත්අඩංගුවට ගත් බව කළුතර උතුර පොලීසිය කියයි.

 

 

වෙළඳසැලකට ගොස් රුපියල් 5000 මුදල් නෝට්ටුවක් ලබාදී භාණ්ඩ මිලදී ගෙන ඇති අතර ඒ පිළිබඳ සැක සිතූ වෙළඳසැල් හිමිකරු පොලීසියට කරන ලද පැමිණිල්ලක් අනුව සැකකාර යුවළ අත්අඩංගුවට ගෙන ඇත.

 

 

එම යුවල අත්අඩංගුවට ගැනීමෙන් පසු පොලිසිය ඔවුන්ගේ නිවස පරික්ෂා කිරීමේදී ඒ තුළ තිබී තවත් ව්‍යාජ රුපියල් 5000 මුදල් නෝට්ටු එකොළහක් මුද්‍රණය කිරීමට යොදා ගත් ප්‍රින්ටරය සොයාගැනීමට හැකිවූ බව පොලිස් නිලධාරීහු පැවසීය.

 

 

අත්අඩංගුවට ගත් සැකකාර යුවළ වයස අවුරුදු 47 වියෙහි පසුවන දෙදෙනෙකි.