හිමින් ගියා ඇති,දැන් දුවන්න ලෑස්ති වෙන්න - ජනපති තදින් කියයි

කොවිඩ් වසංගතයත් සමග වසර දෙකක දී සියලු අංශයන්හි සිදුවූ පසුබෑම ජයගැනීමට, නව සාමාන්‍යකරණය යටතේ නව ජවයකින් වැඩකිරීමට සූදානම් වන්නැයි ජනාධිපති ගෝඨාභය රාජපක්ෂ මහතා දිස්ත්‍රික් ලේකම්රුවන්ට පවසයි.

 

රජයේ සැලසුම් ප්‍රකාරව අපේක්ෂා කළ ඉලක්ක කරා එලඹීමට නොහැකි වුවත් සියලු පාර්ශ්වයන්ගේ කැපකිරීම මත කොවිඩ් මර්දනයට සාර්ථකව මුහුණදීමට හැකිවූ බවද එහිදී ජනාධිපතිවරයා පෙන්වා දී තිබේ.

 

 (07) පෙරවරුවේ වීඩියෝ තාක්ෂණය ඔස්සේ දිස්ත්‍රික් ලේකම්වරුන් සමග පැවති සාකච්ඡාවේදී ජනාධිපතිවරයා මේ බව සඳහන් කළේය.

 

එන්නත්කරණයත් සමග නව සාමාන්‍යකරණයට කඩිනමින් එලඹීමට උදාවූ අවස්ථාව මග නොහැර ඉලක්ක ජයගැනීම සියලු දෙනා ඉදිරියේ ඇති වගකීම බව ජනාධිපතිවරයා එහිදී පෙන්වාදී තිබේ.