ජනපති මැදුරෙන් සොරාගත් පිත්තල බෝල අලෙවි කළ තිදෙනෙක් කොටුවේ

ජූලි නව වැනිදා ජනාධිපති මන්දිරයට ඇතුළු වී ජනෙල් තිරරෙදි එල්ලීම සඳහා බිත්ති වල සවිකර තිබූ රන් පැහැති පිත්තල බෝල හතළිහක් සොරාගෙන පැරණි භාණ්ඩ ලෙස අලෙවි කිරීමට සූදානම් වූ තිදෙනකු අත්අඩංගුවට ගැනීමට පොලිසිය සමත්වී තිබෙනවා.

අදාල සැකකරුවන් රාජගිරිය ඔබේසේකරපුර පදිංචි අවුරුදු 28, 34 හා 37 යන වයස්වල පසුවන්නන්.

මෙම සැකකරුවන් මත්ද්‍රව්‍ය වලට ඇබ්බැහි වූවන් ලෙස පෙනී යන අතර වැඩිදුර විමර්ශන සඳහා ජනාධිපති මන්දිරයේ විමර්ශන කටයුතු මෙහෙයවනු ලබන කොළඹ උතුරු කොට්ඨාස අපරාධ විමර්ශන අංශය වෙත භාර දී තිබෙනවා.