වරාය නගරයට ජාත්‍යන්තර සරසවියක්

කොළඹ වරාය නගරයේ වෛද්‍ය පීඨයකින් ද සමන්විත ජාත්‍යන්තර විශ්වවිද්‍යාලයක් පිහිටුවීම සඳහා ටෙන්ඩර් කැඳවමින් සිටින බව කොළඹ වරාය නගර කොමිෂන් සභාව නිවේදනය කරයි.

 

වෛද්‍ය පීඨයට අමතරව, ඉංජිනේරු, ව්‍යාපාර කළමනාකරණය, මූල්‍ය, බැංකුකරණය සහ තොරතුරු තාක්‍ෂණය යන පාඨමාලා හඳුන්වා දීමට විශ්වවිද්‍යාලය සැලසුම් කරයි.

 

තවද, කොළඹ ප්‍රාදේශීය අධ්‍යාපන කේන්ද්‍රස්ථානයක් බවට පත් කිරීමේ රජයේ අරමුණට සහාය වීම සඳහා අවශ්‍ය පහසුකම් සැලසීමේ වගකීම විශ්වවිද්‍යාලය සතු වේ. විශ්ව විද්‍යාලය ගෝලීය පිළිගැනීමක් ලබා ගැනීම සඳහා ජාත්‍යන්තර ප්‍රමිතීන්ට අනුකූල විය යුතු බව පෝට් සිටි කොමිෂන් සභාව අවධාරණය කරයි.

 

විශ්ව විද්‍යාලය මාස හයක් ඇතුළත මෙහෙයුම් ආරම්භ කිරීමට අපේක්ෂා කරන අතර ඩිප්ලෝමා, උපාධි සහ පශ්චාත් උපාධි වැඩසටහන් සඳහා සිසුන් ඇතුළත් කර ගැනීමට අදහස් කරයි.