ගල් අඟුරු නෞකා දෙකට තවමත් මුදල් ගෙවා නැහැ

මෙරටට ළඟා වූ ගල් අඟුරු නෞකා දෙකකට මෙතෙක් මුදල් ගෙවීමට නොහැකි වී තිබේ. පසුගිය සෙනසුරාදා සහ සිකුරාදා පැමිණි නෞකා දෙකකට මුදල් ගෙවීමට නොහැකි වී ඇති බව ලංකා ගල් අඟුරු සමාගමේ සභාපති ශෙහාන් සුමනසේකර මහතා සඳහන් කළේය.

 

ඊයේ (13) මෙම නෞකා දෙකට පෙර පැමිණි නෞකාවේ ගල් අඟුරු තොග ගොඩ බා අවසන් කර ඇත. ලංකා ගල්  අඟුරු සමාගමේ සභාපතිවරයා ප්‍රකාශ කළේ, ගල් අඟුරු මිලදී ගැනීම වෙනුවෙන්, ඊයේ විදුලි බල මණ්ඩලය මුදල් ප්‍රමාණයක් ලබා දුන්න ද එය ඊට ප්‍රමාණවත් නොවන බව යි.