සුරාබදු පනත සංශෝධනය කිරීමට පියවර ගැනේ

නව සුරාබදු පනතක් ගෙන ඒමට කැබිනට් අනුමැතිය හිමි වී තිබේ. මත්පැන් සහ දුම්කොළ භාවිතය, ඒ ආශ්‍රිත ව්‍යාපාර නියාමනය, අදාළ බලපත්‍ර නිකුත් කිරීම සහ බදු පැනවීම සඳහා දැනට භාවිත කෙරෙන ආඥා පනත 1912 දී හඳුන්වා දුන් එකකි. ඒ අනුව එය වර්තමානයට ගැලපෙන පරිදි වෙනස් කිරීමට කටයුතු කෙරේ.

 

කැබිනට් අනුමැතිය ලැබී තිබෙන, අදාල යෝජනාව 2022 අතුරු අයවැය මගින් යෝජනාවක් ලෙස ඉදිරිපත් කළ අතර ඒ අනුව එකී කාරණාව සඳහා නීති පනත් කෙටුම්පතක් සැකසීම සඳහා නීති කෙටුම්පත් සම්පාදකට උපදෙස් දී තිබේ. ජනාධිපතිවරයා විසින් මෙම යෝජනාව ඉදිරිපත් කළේ මුදල්, ආර්ථික ස්ථායිකරණ සහ ජාතික ප්‍රතිපත්ති අමාත්‍යවරයා වශයෙනි.