සිමෙන්ති කළු කඩ සොයා රට පුරා මෙහෙයුම්

නියමිත මිලට වඩා වැඩි මිලට සිමෙන්ති අලෙවි කරන ව්‍යාපාරිකයන් සොයා පාරිභෝගික සේවා අධිකාරිය විසින් රට පුරා මෙහෙයුම් ක්‍රියාත්මක කර තිබෙනවා.

 

ඒ අනුව පසුගිය දින කිහිපය තුළ සිදුකළ මෙහෙයුම්වලදී දිවයින පුරා පිහිටි ව්‍යාපාරික ස්ථාන 56ක වැටලීම සිදු කර තිබෙනවා.

 

සිමෙන්ති අලෙවි නොකිරීම, කොන්දේසි සහිතව අලෙවි කිරීම,සන්තකයේ තබා ගෙන නොමැති බව පැවසීම නොකළ යුතු බව පාරිභෝගික අධිකාරිය පනතෙහි සටහන් වන අතර එලෙස තොග සඟවාගෙන සිටින වෙළඳුන් ගේ තොග තහනමට ගැනීමට සහ අධිකරණයට ඉදිරිපත් කිරීමෙන් අනතුරුව රාජසන්තක කිරීමට පාරිභෝගික අධිකාරියට බලතල හිමි වී ඇත.