අඩි විස්සක් උඩට පියෑඹූ මංගල රථය ගසක වැදී බිමට වැටී පහකට තුවාල - දෙදෙනෙකුට බරපතලයි
විදේශගත ඔබට
Latest_News
calendar
SEP
29

අඩි විස්සක් උඩට පියෑඹූ මංගල රථය ගසක වැදී බිමට වැටී පහකට තුවාල - දෙදෙනෙකුට බරපතලයි

අඩි විස්සක් උඩට පියෑඹූ මංගල රථය ගසක වැදී බිමට වැටී පහකට තුවාල - දෙදෙනෙකුට බරපතලයි

මැදවල දෙස සිට වැලිමඩ දෙසට ගමන් ගත් මංගල කාර් රථයක් ඌව පරණගම හිඹිලියාගහමඩිත්ත ප්‍රදේශයේදී මාරක රිය අනතුරකට ලක්ව තිබෙනවා.

 

අනතුර සිදුවන අවස්ථාවේ එම කාර් රථයේ පුද්ගලයින් පස්දෙනෙකු පමණ සිට ඇති අතර ඉන් දෙදෙනෙකුගේ තත්ත්වය බරපතල වන බවයි වාර්තා වන්නේ.

 

විවාහ උත්සවයකට ගොස් නැවත වැලිමඩ දෙසට ගමන් කරන අවස්ථාවේ, හිඹිලියාගහමඩිත්ත ප්‍රදේශයේදී වංගු සහිත ස්ථානයකදී මෙම මංගල කාර් රථය තවත් රථයක වැදී, අනතුරුව පස්කන්ඩියක වැදී අඩි විස්සක් පමණ ඉහළට විසිව ගොස් ගහක වැදී බිමට වැටීමෙන් මෙම අනතුර සිදුව තිබෙනවා.

 

ප්‍රදේශවාසීන් සඳහන් කළේ අනතුරට පත් මංගල රථය අධික වේගයෙන් පැමිණි බවයි.

 

අනතුරින් තුවාල ලැබූවන් ඌව පරණගම රෝහලට ඇතුළත් කිරීමට ප්‍රදේශවාසීන් කටයුතු කර තිබුණා.

 

කෙසේ වෙතත් ඔවුන්ගෙන් දෙදෙනෙකුගේ තත්ත්වය බරපතල බැවින් එක් පුද්ගලයෙකු වැලිමඩ රෝහලටත්, අනෙක් පුද්ගලයා බදුල්ල මහ රෝහලටත් මාරු කර යවා තිබෙනවා.

 

අනතුරින් තුවාල වූ පුද්ගලයින් වැලිමඩ සහ ඌව පරණගම ප්‍රදේශයේ පදිංචි පුද්ගලයින් වනවා.

 

සිද්ධිය සම්බන්ධයෙන් ඌව පරණගම අඹගස්දෝව පොලීසිය විසින් වැඩිදුර පරීක්ෂණ ක්‍රියාත්මකයි.

views

200 Views

Comments

arrow-up