විදෙස් සංචාරකයින් බෙදා ගන්න බැරිව ගයිඩ්ලා පිහි හරඹයක

විදේශීය සංචාරකයන් බෙදා ගැනීමට අදාළ වචන හුවමාරුවකින් පසු සංචාරක මඟ පෙන්වන්නෙකුට පිහියෙන් ඇන තුවාල සිදුකළ බව කියන තවත් සංචාරක මඟ පෙන්වන්නකු උතුරු කළුතර පොලිසිය මගින් අත්අඩංගුවට ගෙන ඇත.

 

මෙම සිද්ධියෙන් තුවාල ලබා ඇත්තේ කුඩා වස්කඩුවේ පදිංචිකරුවකු වූ කරුණාමුණි සුමිත් රොෂාන් ද සිල්වා (අවු. 39) නම්වූ අයෙකි.

 

ඉකුත් 16 වැනිදා සවස 4.15ට පමණ තමා වස්කඩුව සොහොන අසලදී සැකකරුට කතාකර තමා මඟ පෙන්වමින් සිටි විදේශීය සංචාරකයන් රවටාගෙන සංචාරවල ගෙන ගියා නේදැයි විමසූ විට ඔහු එක්වරම පිහියක් ඇද තමාට ඇන්න බව තුවාලකරු පොලිසියට කර තිබූ පැමිණිල්ලේ සඳහන් වේ.