පාර්ලිමේන්තු පොලිස් නිලධාරිනියකගේ ලක්ෂ හතක රන් භට නිවාසයේදී උස්සලා

පාර්ලිමේන්තු පොලීසියේ පොලිස් නිලධාරිනියකගේ රුපියල් ලක්ෂ හතක් පමණ වටිනා රන් මාලයක් සහ රන්මුදු දෙකක් එහි පොලිස් කාන්තා භට නිවාසයේදී සොරකම් කිරීමේ සිද්ධියක් සම්බන්ධයෙන් වැලිකඩ පොලීසිය පරීක්ෂණයක් ආරම්භ කර තිබේ.

මේ සිද්ධිය වී ඇතැයි පැවැසෙන්නේ මීට දින කිහිපයකට ඉහතදීය.

මෙම නිලධාරිනිය තම රන් මාලය සහ මුදු දෙක එහි කිසියම් ස්ථානයක ගලවා තිබියදී කිසිවෙකු එය සොරකම් කර තිබෙන බවත් එම නිලධාරිනිය කළ පැමිණිල්ලේ දැක්වෙන බව වැලිකඩ පොලීසියේ නිලධාරියෙක් පැවසීය.

 

සොරකම් කර ඇති රන් මාලය සහ මුදු දෙක මෙතෙක් සොයාගෙන නැත.

 

සිද්ධිය සම්බන්ධයෙන් එම භට නිවාසයේ පොලිස් කාන්තා නිලධාරිනියන් නව දෙනෙකු පොලිසියට කැඳවා ප්‍රකාශ සටහන් කරගෙන තිබේ.