“එයා අපිට ඊයෙත් කතා කළා, එතන ඉන්න බෑ කිව්වා” - මැලේසියා ගිය කතක් තට්ටු නිවසින් වැටී මරුට (VIDEO)

සංචාරක වීසා බලපත්‍රයක් මත මැලේසියාවට ගොස් එහිදී රැකියාවක නිරතවූ බව කියන 44 හැවිරිදි කාන්තාවක පසුගිය 23 වන දින රාත්‍රියේ එරට තට්ටු ගොඩනැගිල්ලකින් ඇද වැටී මරණයට පත්ව ඇති බව වාර්තාවේ.

 

මෙසේ මියගොස් ඇත්තේ කොබෙයිගනේ පදිංචිව සිටි මාකලන්දනගේ දොන් රේණුකා නිලන්ති බණ්ඩාර නමැති 44 හැවිරිදි විවාහක එක් දරු මවකි.

පසුගිය වසරේ දෙසැම්බර් මාසයේදී ජාඇල ප්‍රදේශයේ විදේශ රැකියා සපයන්නෙකු මාර්ගයෙන් ඇය සංචාරක වීසා මත මැලේසියාව බලා ගොස් ඇති බව වාර්තාවේ.

ඇයගේ මරණය සම්බන්දයෙන් අදහස් පළකරමින් ඥාතීන් ප්‍රකාශ කලේ රැකියාව කරන ස්ථානයේ සිටීමට නොහැකි බව පවසමින් ඇය දුරකථනයෙන් දැනුම් දුන් බවයි.