විදෙස් ශ්‍රමිකයින්ගෙන් මෙරටට ලැබෙන ආදායම ඉහළට

විදේශ ශ්‍රමිකයින්ගෙන් මෙරටට ලැබුණු ආදායම පෙබරවාරි මාසයේදීත් ඇමරිකානු ඩොලර් මිලියන 400 සීමාව ඉක්මවා ගොස් තිබේ. ඇමරිකානු ඩොලර් මිලියන 407 ක ප්‍රේෂණ පසුගිය මාසයේදී ලැබී ඇති බව  මහබැංකුව නිවේදනය කළේය.

 

2022 වසරේ පෙබරවාරි මාසයේ විදේශ ශ්‍රමිකයින්ගෙන් මෙරටට ලැබී තිබුනේ ඇමරිකානු ඩොලර් මිලියන 205 ක මුදලක් පමණක් බව වාර්තා වේ. පසුගිය මාසයේදී විදේශ රැකියා සඳහා පුද්ගලයින් 23,974 දෙනෙකු පිටත්ව ගොස් ඇති බව සදහන් වන අතර පෙබරවාරි මාසයේදී දිවයිනට පැමිණි සංචාරකයින් සංඛ්‍යාව 107,639 ක් වේ.

 

ඒ අනුව සංචාරක ඉපයීම් පෙබරවාරි මාසයේ ඇමරිකානු ඩොලර් මිලියන 170 ක් ලෙස ඇස්තමේන්තු කර ඇති බව මහ බැංකුව වැඩිදුරටත් නිවේදනය කළේය.