මෙරට ආනයන වියදම සැලකියයුතු ලෙස ඉහළට

2021 වසරේ නොවැම්බර් මාසයේ පාරිභෝගික භාණ්ඩ ආනයන වියදම 2020 නොවැම්බර් මාසයට සාපේක්ෂව 19.7%කින් ඉහළ ගොස් ඇතැයි ශ්‍රී ලංකා මහ බැංකුව පවසයි.

 

 

මහ බැංකුව නිකුත් කළ නිවේදනයක දැක්වෙන්නේ මෝටර් රථ ආනයනය කිරීම සැලකියයුතු ලෙස අඩුවීම මධ්‍යයයේ වුවද ආහාර හා ආහාර නොවන පාරිභෝගික භාණ්ඩ ආනයන වියදම ඉහළ යාම ඊට හේතුවී ඇති බවය.

 

 

කොවිඩ් වසංගත තත්ත්වය හමුවේ ඇතිවූ ආර්ථික අර්බුදමය වාතාවරණය මධ්‍යයයේ රුපියල අවප්‍රමාණය වීම වළක්වාගැනීම සඳහා මෝටර් රථ ඇතුළු අත්‍යවශ්‍ය නොවන භාණ්ඩ ආනයනය නතර කිරීමට ශ්‍රී ලංකා මහ බැංකුව පියවර ගත්තේ 2020 වසරේ මාර්තු මාසයේදීය.