අද කාලගුණය

ඉදිරි දින කිහිපය තුළත් නිරිතදිග කොටසේ වැසි සහිත කාලගුණයක් පවතින අතර ගාල්ල , මාතර දිස්ත්‍රික්කවල සහ බස්නාහිර , සබරගමුව , මධ්‍යම පළාත්වල මිලිමීටර් 100 ඉක්මවූ තද වැසි ඇතිවිය හැක.

 

 

සවස් කාලයෙන් පසුව ඌව පළාතේ සහ අම්පාර , මඩකලපුව දිස්ත්‍රික්කවල වැසි හෝ ගිගුරුම් සහිත වැසි ඇතිවිය හැකි අතර මධ්‍යම කදුකරයේ බටහිර බෑවුමේ , උතුරු , උතුරු මැද , වයඹ පළාත්වල හා හම්බන්තොට , ත්‍රිකුණාමලය දිස්ත්‍රික්කවල පැයට කිලෝමීටර 40 - 50 දක්වා තරමක් තද සුළං ඇතිවිය හැකි බව කාලගුණ දෙපාර්තමේන්තුව දන්වා සිටියි.

 

 

කාලගුණ දෙපාර්තමේන්තුව ජනතාවගෙන් ඉල්ලා සිටින්නේ අකුණු හා සුළං මඟින් ඇතිවිය හැකි අනතුරු වළක්වා ගැනීමට අවශ්‍ය පියවර ගන්නා ලෙසයි.