පිළියන්දල පිරිවෙනක හිමිවරු 69 ක් ඇතුළු 89 දෙනෙකු ස්වයං නිරෝධායනයට

පිළියන්දල කහපොල, සිලුමිණ සෑය පිරිවෙනේ හිමිවරුන් 69 දෙනෙකු ඇතුළු 89 දෙනකු එම පිරිවෙන තුළම අද (14) ස්වයං නිරෝධායනයට යොමු කළ බව පිළියන්දල පොලිසිය කියයි.

එහි වැඩ වසන හිමිනමකගේ මවක් පසුගිය දිනක එම හිමි නම බැලීම සඳහා පැමිණ පිටව යාමෙන් අනතුරුව ඇයට කොවිඩ් වයිරසය ශරීරගතවී ඇති බවට වාර්තාවීමෙන් අනතුරුව මෙම හිමිවරුන් පිරිස සහ අනෙකුත් පිරිස නිරෝධායනයට ලක් කළ බව පොලිසිය කියයි.

වෛරසය ආසාධිත කාන්තාව නෙවිල් ප්‍රනාන්දු ⁣රෝහලේ ප්‍රතිකාර ලබමින් සිටින බව පොලිසිය සඳහන් කලා.