බීමතින් රාජකාරි කළ පොලිස් නිළධාරීන් දෙදෙනකුගේ වැඩ තහනම්

බීමතින් මහේස්ත්‍රාත්වරයකුගේ නිල නිවසේ ආරක්ෂක රාජකාරියේ යෙදුණු බව කියන කටුගස්තොට පොලීසියේ නිලධාරීන් දෙදෙනකුගේ වැඩ තහනම් කර ඇතැයි පොලිස් මූලස්ථානය පවසයි.

 

පොලිස් සැරයන්වරයෙකුගේ සහ පොලිස් කොස්තාපල්වරයකුගේ මෙලෙස වැඩ තහනමට ලක්ව ඇති බවද පොලිස් මූලස්ථානය ප්‍රකාශ කරයි.

 

කටුගස්තොට අලදෙණිය ප්‍රදේශයේ පිහිටි මහේස්ත්‍රාත්වරයකුගේ නිල නිවසේ බීමතින් රාජකාරී කරමින් සිටියදී ඊයේ(20) මොවුන් දෙදෙනා පොලිස් අත්අඩංගුවට පත්වූ බව කටුගස්තොට පොලීසිය සඳහන් කරයි.

 

කටුගස්තොට පොලීසියේ නිලධාරීන් රාත්‍රී සේවයේ යෙදී සිටියදී අදාළ මහේස්ත්‍රාත්වරයාගේ නිවස පරීක්ෂාවට ලක් කිරීමේදී මෙම පොලිස් නිලධාරීන් දෙදෙනා බීමතින් සිටි බවට හෙළි වීමෙන් පසු ඔවුන් දෙදෙනා වැඩ තහනම් ලක් කළ බව පැවසෙයි.