පොලීසියෙන් පළාගිය පුද්ගලයාගේ මළසිරුර වතුර වළකින් හමුවෙයි

චෝදනා කිහිපයකට වරෙන්තු ලැබ සිටි පුද්ගලයෙකු ත්‍රිකුණාමලය පුල්මුඩේ මාර්ගයේ යාන් ඔය ප්‍රදේශයේදී පොලීසිය විසින් අත්අඩංගුවට ගැනීමට උත්සාහ කර ඇත.

 

එම අවස්ථාවේදී සැකකරු පොලීසියෙන් මිදී පළාගොස් තිබේ.

 

අනතුරුව එම පුද්ගලයාගේ සිරුර යාන් ඔය ආසන්නයේ කුඩා වතුර වලක තිබියදී ඊයේ (07) සොයාගෙන තිබේ.

 

එම මරණය සම්බන්ධයෙන් පශ්චාත් මරණ පරික්ෂණය ත්‍රිකුණාමලය මහ රෝහලේදී පැවති අතර මරණ පරීක්ෂණ වාර්තාව ප්‍රතික්ෂේප කළ මියගිය පුද්ගලයාගේ ඥාතීන් පවසන්නේ මරණය සැකසහිත බවයි.