නල්ලතන්නිය මස්කෙලිය මාර්ගයේ සිදුවූ කැබ් රථ අනතුරකින් 5ක් රෝහලට

නල්ලතන්නිය මස්කෙලිය ප්‍රධාන මාර්ගයේ මස්කෙලිය බ්‍රවුන්ලෝ වත්ත ප්‍රදේශයේදී කැබ් රථයක් මාර්ගයෙන් ඉවතට ලිස්සා ගොස් සිදුවූ අනතුරකින් පස්දෙනෙකු තුවාල ලබා රෝහල් ගත කර තිබේ.

 

මෙම කැබ් රථයේ පැමිණි පිරිස ඊයේ (29) ශ්‍රී පාද වන්දනාවේ පැමිණ අද (30) ආපසු ගොඩකවෙල දක්වා යමින් සිටියදී මෙම අනතුර සිදුව තිබුණා.

 

මෙම කැබ් රථයේ එකම පවුලේ ඥාතින් පිරිසක් ගමන්කර ඇති අතර අනතුරට පත්වන අවස්ථාවේ කැබ් රථය තුළ හත්දෙනෙකු ගමන් කර තිබේ.

 

ඉන් පස්දෙනෙකු තුවාල ලබා මස්කෙලිය ප්‍රාදේශීය රෝහල වෙත ඇතුළත් කිරීමෙන් පසු තුවාලකරුවන්ගේ තත්ත්වය බරපතළ විම හේතුවෙන් දික්ඔය මුලික රෝහල වෙත මාරු කර ඇත.

 

කැබ් රථයේ ගමන්කළ කුඩා ළමයෙකු සහ රියදුරා සුළු තුවාල ලබා තිබේ.

 

කැබ් රථයේ රියදුරුට නින්ද යාමෙන් එම අනතුර සිදුව ඇති බවත්, අනතුරෙන් කැබ් රථයට දැඩි අලාභ හානි සිදු වි ඇති බවත් පොලීසිය සඳහන් කළේය.