මාස තුනකට පසු කැනියොන් බලාගාරයේ විදුලි උත්පාදනය ඇරඹෙයි

මාවුස්සාකැලේ ජලාශයේ සිට කැනියොන් ජල විදුලි බලාගාරය දක්වා ජලය රැගෙන යන භූගත උමං මාර්ගයේ නඩත්තු කටයුත්තක් නිසා මාස තුනක් පුරා විදුලි උත්පාදනය නතර කර තිබූ කැනියොන් ජල විදුලි බලාගාරයේ විදුලි උත්පාදන කටයුතු පෙරේදා(31) සිට ආරම්භ කළ බව එම විදුලි බලාගාරයේ නිලධාරියෙක් සඳහන් කළේය.

 

එම උමං මාර්ගයේ නඩත්තු කටයුත්තක් හේතුවෙන් කැනියොන් ජල විදුලි බලාගාරයට උමං මාර්ගය ඔස්සේ ජලය රැගෙන යෑම නතර කර මාවුස්සාකැලේ ජලාශයේ සොරොව්ව මාස තුනක් විවෘත කර තිබුණි.

 

එම සොරොව්ව පෙරේදා සිට යළිත් වසා දමා ඇති අතර කැනියොන් ජල විදුලි බලාගාරයෙන් මෙගාවොට් 60ක විදුලි ධාරිතාවක් ජාතික විදුලි පද්ධතියට එක් කරන බව කැනියොන් ජල විදුලි බලාගාරයේ නිලධාරියෙකු පැවසීය.