ලෝක බැංකුවෙන් මෙරට ආර්ථිකය නගාසිටුවීමට තල්ලු‍වක්
ඉදිරි වසර තුන තුළ ශ්‍රී ලංකාවට අමෙරිකානු ඩොලර් බිලියන 1ක මූල්‍ය පැකේජයක් ලබාදීමට ලෝක බැංකුව තීරණය කර තිබේ.
මෙරට තුළ රැකියා උත්පාදනය කිරීම සහ පෞද්ගලික අංශයේ වර්ධනය විවෘත කිරීම අරමුණු කරගනිමින් මෙම තීරණය ගෙන තිබේ .
බලශක්ති, කෘෂිකර්මාන්තය, සංචාරක සහ කලාපීය සංවර්ධනය යනාදි අංශ ද ඉලක්ක කර මෙම මුල්‍ය පැකේජය පිරිනැමේ .
ජනාධිපති අනුර කුමාර දිසානායක සහ ලෝක බැංකු සමූහ සභාපති අජේ බංගා අතර කොළඹ පැවති ඉහළ මට්ටමේ හමුවකින් පසු ලෝක බැංකු සමූහය මෙම නිවේදනය මෙම නිවේදනය නිකුත් කරන තිබේ .
දශක දෙකකට පසු ලෝක බැංකු සභාපතිවරයකු මෙරටට කළ පළමු සංචාරය මෙය වන්නේය .
”එය රැකියා නිර්මාණය කිරීමට, කුඩා ව්‍යාපාරවලට සහාය වීමට සහ රට පුරා නව අවස්ථා විවෘත කිරීමට උපකාරී වනු ඇත. මෙම හවුල්කාරිත්වය අපගේ ප්‍රජාවන් සඳහා සැබෑ වෙනසක් ලබා දෙන බව සහතික කිරීමට අපි කැපවී සිටිමු.” යැයි ඔහු වැඩිදුරටත් පවසා ඇත.
ආර්ථික ප්‍රතිසංස්කරණ වේගවත් කිරීමට සහ පෞද්ගලික ප්‍රාග්ධනය ආකර්ෂණය කරගැනීමට මෙම මොහොත උපයෝගී කර ගැනීමේ හදිසි අවශ්‍යතාවය සභාපති බංගා අවධාරණය කර ඇත.
ආර්ථිකය ස්ථාවර කිරීම සහ වර්ධනය නැවත ආරම්භ කිරීම සඳහා ප්‍රගතියක් සිදුවෙමින් පවතින බව ද සභාපතිවරයා පවසා ඇත.
ලෝක බැංකුව ඇස්තමේන්තු කරන්නේ ඉදිරි දශකය තුළ ශ්‍රී ලංකාවේ ශ්‍රම බලකායට තරුණයන් මිලියනයකට ආසන්න සංඛ්‍යාවක් ඇතුළත් වනු ඇති බවයි, නමුත් වත්මන් ප්‍රවණතා යටතේ රැකියා 300,000 ක් පමණක් නිර්මාණය වනු ඇතැයි පුරෝකථනය කර ඇත.
65 Views
Comments