යටියන්තොට දී අකුණු සැර වැදීමෙන් පාසල් සිසුවෙක් මිය යයි

යටියන්තොට, සීෆෝත්, කොට්ටමලේ ප්‍රදේශයේදී අකුණු සැර වැදීමෙන් වයස අවුරුදු 17 ක පාසල් සිසුවෙකු මියගොස් ඇති බව වාර්තා වේ.

 

මෙසේ මියගොස් ඇත්තේ සීෆෝත් මහා විද්‍යාලයේ 10 වන ශ්‍රේණියේ ඉගෙනුම ලබන යොහාන් ඉශාර නම් සිසුවෙකි.

 

මෙම සිසුවා සහ මව වර්ෂාව වේලාවේදී නිවසේ ඉදිරිපිට සිටියදී අනතුරට මුහුණ පා ඇති බව පොලිසිය පවසා සිටී.

 

එහිදී ඔවුන් දෙදෙනාටම අකුණු වැදී ඇති අතර මව සිහිසුන්ව සිට නැගිට බලන විට සිය දරුවා මිය ගොස් ඇති අන්දම දැක ඇති බව වාර්තා වේ.

 

අකුණ වැදෙන අවස්ථාවේදී නිවස තුළ මෙම මව සහ පුතු පමණක් රැඳී සිටි බවද සඳහන් වේ.