දරුවා ගැන සැමියා සැළකිල්ලක් නොදැක්වීම නිසා පොලිස් කොස්තාපල්වරිය සියදිවි නසා ගනියි

හම්බෙගමුව පොලිස් ස්ථානයට අනුයුක්තව සේවය කළ හතලිස් එක් හැවිරිදි දෙදෙරු මවක් වන පොලිස් කොස්තාපල්වරියක් සියදිවි හානි කරගෙන තිබෙනවා.

 

ඇය ඊයේ (25) රාත්‍රියේ සිය නිවස තුලදී ගෙල වැලලාගෙන මෙලෙස සියදිවි හානිකරගෙන ඇති බවටයි වාර්තා වන්නේ.

 

අසනීප තත්ත්වයේ පසුවන සිය වැඩිමල් දරුවා සම්බන්ධයෙන් සැමියා එතරම් සැළකිල්ලක් නොදැක්වීම හේතුවෙන් සිත් තැවුලට පත්ව ඇය මෙලෙස සියදිවි හානිකරගෙන ඇති බවයි හම්බෙගමුව පොලිසිය පැවසුවේ.

 

සිද්ධිය සම්බන්ධයෙන් හම්බෙගමුව පොලිසිය විමර්ශනයක් ආරම්භ කර ඇති අතර මළ සිරුර සම්බන්ධයෙන් වන පශ්චාත් මරණ පරීක්ෂණය අද (26) සිදුකිරීමට නියමිතයි.