රාජ්‍ය සේවක වැටුප් වැඩි කිරීම ඇතුලු සහන සමඟින් ගෙන ආ 2025 වර්ෂය සඳහා වන අයවැය මෙන්න

2025 වර්ෂය සඳහා වන අයවැය ජනාධිපති අනුර කුමාර දිසානායක මහතා විසින් අද (17) පාර්ලිමේන්තුවට ඉදිරිපත් කරනු ලැබීය.

 

නව රජයේ මංගල අයවැය ඉදිරිපත් කරමින් ජනාධිපති අනුර කුමාර දිසානායක මහතා පැවසුවේ මේ වසරේ සියයට පහක ආර්ථික වර්ධනයක් අපේක්ෂා කරන බවයි.

 

එමෙන්ම රාජ්‍ය සේවකයින්ගේ අවම මාසික මූලික වැටුප රුපියල් 24,250 සිට රුපියල් 40,000 දක්වා ඉහළ නැංවීමටත්, රුපියල් 15,750ක අවම මාසික මූලික වැටුප් වැඩිවීමට අමතරව වාර්ෂික වැටුප් වර්ධකයේ වටිනාකම 80%කින් ඉහළ නැංවීමටත් අයවැයෙන් යෝජනා කර තිබේ.

 

මේ අතර මේ වසරේ මන්ත්‍රීවරුන්ට වාහන හෝ වාහන බලපත්‍ර හිමි නොවන බවත් රජයේ සියලුම සුඛෝපභෝගී වාහන වෙන්දේසි කිරීමට යෝජනා කරන බවත් අයවැය යෝජනා ඉදිරිපත් කරමින් ජනාධිපතිවරයා ප්‍රකාශ කළේය.