මවට පහරදුන් දේවදත්ත පුතෙකු අත්අඩංගුවට

අම්පාර උහන ප්‍රදේශයේ පදිංචි 75 හැවිරිදි තම වයෝවෘද්ධ මවට පහරදී නිවසේ බඩු බාහිරාදිය විනාශ කළ 56 හැවිරිදි පුතා අත්අඩංගුවටගත් බව පොලිසිය පවසයි.

 

සැකකරු මීට පෙරද අවස්ථා ගණනාවකදී මේ ආකාරයෙන් මවට පහරදීම හේතුවෙන් පොලිස් අත්අඩංගුවට පත් පුද්ගලයෙකි.

 

මව සතු ඉඩමක් අලෙවි කර බැංකුවේ තැන්පත් කර ඇති අතර එම මුදල් ඉල්ලා මෙම පහරදීම සිදු කර ඇති බවට මූලික පරීක්ෂණයෙන් හෙළි වූ බව පොලිසිය කියයි.