යල කන්නයට අවශ්‍ය මඩ පොහොර ගොවීන්ට අඩු මිලකට

යල කන්නය සඳහා ගොවීන්ට අවශ්‍ය මඩ පොහොර දැනට වෙළඳපොලේ පවතින මිලට වඩා අඩු මිලකට ලබාදීමට කටයුතු කරන බව කෘෂිකර්ම අමාත්‍ය මහින්ද අමරවීර මහතා පවසයි.

 

ජනාධිපති කාර්යාලයේ දී කෘෂි ගැටලු සම්බන්ධයෙන් පැවති සාකච්ඡාවකට එක්වෙමින් ඒ මහතා සඳහන් කළේ ඒ සඳහා අවශ්‍ය කටයුතු ගැසට් නිවේදනයක් මගින් සිදුකරන බවයි.

 

මේ අතර ගොයම් කහ වීමේ රෝගය වැළැක්වීමට අවශ්‍ය පියවර සම්බන්ධයෙන් ද එහිදී සාකච්ඡාවට ලක් කර ඇතැයි වාර්තා වේ.