ඔන්ලයින් මත්පැන් සඳහා අවසර හිමි වේ

ඔන්ලයින් ක්‍රමයට මත්පැන් අළෙවි කිරීමට මුදල් අමාත්‍යාංශයෙන් ප්‍රතිපත්තිමය අවසර අද හිමි වූ බවත් එය ක්‍රියාත්මක කිරීම සඳහා වූ අවසරය ලබා ගැනීම සඳහා එහි නිර්දේශ කොරෝනා ව්‍යාප්තිය වැලැක්වීමේ මධ්‍යස්ථානයට යොමු කළ බව සුරාබදු මාධ්‍ය ප්‍රකාශක සුරාබදු කොමසාරිස් කපිල කුමාරසිංහ පවසනවා.

 

සංචරණ සීමා කාලය තුළ මෙම ඔන්ලයින් ක්‍රමවේදය ක්‍රියාත්මක කිරීමට ගත් සැලසුමක් අනුව මෙහි නිර්දේශයන් ඊයේ දින සුරාබදු දෙපාර්තමේන්තුව විසින් මුදල් අමාත්‍ය ලේකම්වරයාට ලබා දී තිබුණා පැය 24 ක් ගත වීමටත් පෙර ඊට අදාළ අනුමැතිය මෙලෙස හිමිව තිබෙනවා.

 

කෙසේ වෙතත් මෙම වැඩපිළිවෙළ ක්‍රියාත්මක කිරීම සඳහා කොරෝනා ව්‍යාප්තිය වැළැක්වීමේ ජාතික ක්‍රියාන්විත මධ්‍යස්ථානයේ අනුමැතිය අනිවාර්ය වෙනවා.එහි අනුමැතිය අද දින ලැබීමට නියමිත බවයි වාර්තා වෙන්නේ.