බදුල්ලේ කැබ් රථ අනතුරෙන් තුවාල ලැබූ සිසුන් දෙදෙනෙක් රෝහලෙන් පැන යයි

බදුල්ල ප්‍රදේශයේ ඌව මහා විද්‍යාලය සහ ධර්මදූත මහා විද්‍යාලය අතර පැවති මහා ක්‍රිකට් තරගයක් අතරතුර සිදු වූ කැබ් රථ අනතුරෙන් තුවාල ලබා රෝහල් ගත කළ සිසුන් දෙදෙනෙකු ප්‍රතිකාර ලබමින් සිටියදී පලාගොස් ඇති බව වාර්තා වේ.

 

එහිදී සිසුන් දෙදෙනෙකු ජීවිතක්ෂයට පත් වූ අතර, තවත් හත් දෙනෙක් බරපතල තුවාල ලබා රෝහල් ගතකර තිබිණි.

 

තුවාල ලැබූ පිරිස බදුල්ල මහ රෝහලට ඇතුළත් කෙරුණු අතර, එහි සිටියදී මෙලෙස සිසුන් දෙදෙනෙකු පලාගොස් ඇති බව රෝහල් ආරංචි මාර්ග ප්‍රකාශ කර සිටී.

 

ක්‍රිකට් තරගය පවතින අතරතුර ක්‍රීඩාංගණය වටා රථ පෙළපාලිය ගමන් කිරීමේදී මෙම අනතුර සිදුව තිබේ.

 

බදුල්ල පොලිසියේ රථවාහන අංශය විසින් මෙම අනතුර සම්බන්ධයෙන් පරීක්ෂණ සිදුකරනු ලැබේ.