“මට දැන් ඕනි ගැහැණු ළමයෙකු විදියට ඉස්සරහට යාමටයි....” - ලෝක ප්‍රසිද්ධ තාරකාව හදිසියේ ගත් තීරණය

ලෝක ප්‍රසිද්ධ තාරකාවක් වන Hunter Schafer, තමන්ට යළි සංක්‍රාන්ති චරිත රඟ දැක්වීමට අවශ්‍ය නැති බව ප්‍රකාශ කර තිබෙනවා.

 

අමෙරිකානු නිළියක්, නිරූපිකාවක්, අධ්‍යක්ෂකවරියක් වන 25 හැවිරිදි හන්ටර් LGBT හිමිකම් ක්‍රියාකාරිනියක ලෙස වඩාත් ප්‍රසිද්ධය.

 

හන්ටර් ප්‍රකාශ කර ඇත්තේ තමන් කරන කාර්යයට සංක්‍රාන්ති බව කේන්ද්‍රස්ථානය කර නොගැනීමෙන් නිළියක් ලෙස තමාට තවත් ඉදිරියට යා හැකි යැයි හැඟෙන බවයි.

 

"මම මගේ සංක්‍රාන්තිය තුළ දුෂ්කර කරුණු පසුකර මේ සිටින තැනට යාමට බොහෝ වෙහෙස මහන්සි වී වැඩ කළෙමි.

 

දැන් මට අවශ්‍ය වන්නේ ගැහැණු ළමයෙකු වී ඉදිරියට යාමටයි...."

 

වැඩිදුරටත් අදහස් දක්වමින් ඇය සඳහන් කර තිබුණේ "සංක්‍රාන්ති නිළියක්" ලෙස හැඳින්වීම ඇයට සහ තමන්ට කළ හැකි දේ පිළිබඳ අඩු තක්සේරුවක් ලබාදෙන බවයි.

 

"මා මේ වන විට මාධ්‍ය තුළ වඩාත් ප්‍රසිද්ධ සංක්‍රාන්ති පුද්ගලයන්ගෙන් කෙනෙකු බව මම ඇත්ත වශයෙන්ම දනිමි.

 

මට ට්‍රාන්ස් භූමිකාවන් ටොන් ගණනක් ලබා දී ඇත.

 

මට එය කිරීමට අවශ්‍ය නැත. මට ඒ ගැන කතා කිරීමටත් අවශ්‍ය නැත....''

 

සංක්‍රාන්ති ලිංගික ප්‍රජාවේ බොහෝදෙනා පෙන්වා දෙන්නේ සංක්‍රාන්ති චරිත සැබෑ ජීවිතයේ සංක්‍රාන්ති නළුවන් විසින් නිරූපණය කළ යුතු බවට තර්ක කිරීමත් සමඟ හොලිවුඩයේ නළු නිළියන් නියෝජනය කිරීම පිළිබඳ දිගුකාලීන විවාදයක් පවතින බවයි.

 

එමෙන්ම ඇතැම් නළු නිළියන් සංක්‍රාන්ති චරිත භාරගැනීම පිළිබඳව සිය කණගාටුව ද ප්‍රකාශ කළ අවස්ථා පවතියි.

 

HBO හි ජනප්‍රිය යොවුන් නාට්‍යයක් වන ''Euphoria'' කතා මාලාවේ සංක්‍රාන්ති ලිංගික උසස් පාසල් ශිෂ්‍යයෙක් වන Jules Vaughnගේ චරිතයෙන් රංගනය ආරම්භ කළ හන්ටර්, එතැන් සිට දැඩි කතාබහට ලක්වූ තරුවක් බවට පත්විය.

 

හන්ටර්ගේ ළමා කාලය තරමක වෙනස් එකක් වූ අතර ඇය පවසන්නේ තමා කුඩා අවදියේම ''ස්ත්‍රීත්වය'' පිළිබඳ කතා කළ බවයි.

 

ඒ අනුව හත්වන ශ්‍රේණියේ දී තමන් සමලිංගික පිරිමි ළමයෙකු ලෙස සිය දෙමාපියන් වෙත පැමිණි අතර අටවන ශ්‍රේණියේ දී ස්ත්‍රී පුරුෂ සමාජභාවය පිළිබඳ ව්‍යාකූල තත්ත්වයකට මුහුණ දුන් බවත් ඇය ප්‍රකාශ කර තිබෙනවා.

 

අනතුරුව නවවන ශ්‍රේණියේ දී සංක්‍රාන්ති ගැහැණු ළමයෙකු ලෙස සංක්‍රමණය වූ බවයි ඇය වැඩිදුරටත් සඳහන් කරන්නේ.

 

මිනිසුන්ගේ සංක්‍රාන්ති කාලසීමාවන් පිළිබඳව දැන ගැනීමට තමා යූ ටියුබ් සහ සමාජ මාධ්‍ය වෙත යොමු වූ නිසා තම ස්ත්‍රී පුරුෂ භාවය සමඟ සාර්ථකව කටයුතු කිරීමට අන්තර්ජාලය උපකාර වූ බවත් ඇය පෙන්වා දී තිබුණා.